Psa 147 | MMX | STEP | Leemi asu ri Leeme Silok! I lox avukat kusu atak pixan emi asu ri ne Moroa atnedik; ik mokso rinotno la ik lox asuusu lomomo tinedi dina emi asu mi Leeme Silok.

Psalms 147

Leemi Asu Ri Ne Moroa Lanaraavuk

1 Leemi asu ri Leeme Silok!

I lox avukat kusu atak pixan emi asu ri ne Moroa atnedik; ik mokso rinotno la ik lox asuusu lomomo tinedi dina emi asu mi Leeme Silok. 2 Leeme Silok ga(ira) vaxaru li amu lemenemen Jerusalem; neni ga(ira) lam kaka amlong limixin kokoxo. 3 Neni ga(ik) lox aroo nedi ua lempeeve atnedi ga te povorok la ga koxo pe levennin kooxing atdi.

4 Neni gara doma vam i do naba rudum lavanisa laxampenti, la ikleklen leven asen atnedi getgesara. 5 Leeme Silok atnedik i silok la i lolos aleng; la ixo epovo xusu ataba us sa mo lakleklen teren mi tepanga xopla tetadi vetpes. 6 Neni ip kip aurut nedi ua dik lox asi di, ketla it pas puuvus nedi luvuttadi loklok kakapmek uto xopok at laxangka.

7 Atak pixan lengkom pixan emi asu ri Leeme Silok; atak sak lerengteng avukat mi lempat gita ri ne Moroa atdik. 8 Neni ik lok li lemgkon takabu ro vana at laxalibet; neni ik lox asuusu larakabu ude ri laxangka, la irak lox asuusu levem pivilis to vana at lengkongkaana. 9 Neni im taba luxa lempanga mi lavanuet kangkadek atdi, la im taba bok leven natnat kooxo mo do dina sing panga ri anan.

10 Lomomo ren kopmen na tu at lempat paaros lolos, la ixo momo solo mi luvuttadi esep lolos; 11 ketla in tuuna xaka lomomo atla limixin di nuunu saga at labalamu lexen teren.

12 O leme Jerusalem, mina emi asu mi Leeme Silok! O leme Saion, mina emi asu mi ne Moroa atnimi! 13 Neni ik lox aru lolos lara musarakom atnimi; neni ik lox anarong limixin go. 14 Neni ik lok tatao leven apdopdo atnimi basinge lavamunepen atnimi, la irak lox aan mais nimi mi leven uit maraanu.

15 Neni i paase levelinga ri (lempanga at na lavatkangka), la ik lok epovo soso mun mo levelinga neni i tong i. 16 Neni i vavaxat palas asu lusugao (mumudut - snow) ngan ta lavat tamon bukburu, la ira tereve ledeemi (mumudut - frost) ngan ta laxakup. 17 Neni ik lox asu lempat betlom ngan ta laxariri uat; la ixo epovo xusu tara na ekini mi mo lumudut silok ua neni ik lox asuusu i! 18 Melemu neni i paase asu levelinga ren, la mo ladan uat ira kadan amu; neni im taba asu lamanman la mo ladan ira sesen ta.

19 Neni ga raba limixin teren me Israel mi mo levelinga ren, ni laulis linga ren(ridi). 20 Neni goxovisi raba i ri lubungmixin petpes; kuren la dixok leklen leventaangas teren.

Leemi asu ri Leeme Silok!